October 23, 2021

Guddiga Doorashada Oo Booqday Xarumaha Loo Qorsheeyay Doorashada Magaalada Beledweyne


Xubno ka tirsan Guddiga doorashada heer Federaal iyo heer Dowlad Goboleed oo ku sugan Beledweyne ayaa kormeeray xarumaha loo asteeyay inay ka dhacdo doorashada Xildhibaanada Golaha Shacabka.

Xarumaha ay booqdeen xubnahan ka socday Guddiga doorashooyinka heer federal ayaa waxaa ka mid ah Lama Galaay, Xarunta Gobolka iyo xarunta AU Sector.

Xubno ka socday guddiga doorashooyinka heer Fedaraal oo shalay gaaray magaalada Beledweyne ayaa waxa ay u kuurgaleen xarumahan iyo sida ay suurtogal u tahay in lagu qabto doorashada xildhibaanada Golaha Shacabka.

Xubnaha ka socda guddiga doorashada ayaa sidoo kale waxa ay maanta magaalada Baledweyne kulan kula qaateen Madaxweyne ku xigeenka maamulka Hirshabeelle Yuusuf Axmed Hagar Dabageed.

Madaxweyne kuxigeenka ayaa xubnaha guddiga waxaa uu warbixin ka siiyay xaalada Magaalada Beledweyne iyo sida uu Maamulka Hirshabeelle ugu diyaarsan yahay qabashada doorashada Xildhibaanada Golaha Shacabka Soomaaliya.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso Adigoo Mahadsan

Your email address will not be published.


*