November 28, 2021

Ciidamada Dowladda Oo Sheegay Inay Dib U Qabsadeen Xerada Daynuunay


Wararka aan ka helayno deegaanka Daynunay ee duleedka magaalada Baydhabo ayaa sheegaya in xooggaga Al-Shabab ay aroornimadii maanta dagaal ku qabsadeen saldhig ay halka ku leeyihiin ciidamada dowladda Soomaaliya, gaar ahaan qeybta 60-aad ee Xoogga Dalka.

 

Dhanka kale Taliska ciidamada Soomaaliya ee deegaankaas ayaa sheegay inay dib u qabsadeen saldhigga oo haatan ay gacanta ku hayaan.

Jenaraal Maxamed Sheekh Maxamed Ciirow, taliyaha qeybta 60-aad ee ciidammada dhulka ee Xoogga Dalka ee Soomaaliya ayaa BBC u sheegay in khasaare ay gaarsiiyeen Shabaab isla markaana ay bacsanayaan dagaalyahanada kooxda ee weerarka kusoo qaaday deegaanka.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso Adigoo Mahadsan

Your email address will not be published.


*