January 18, 2022

Maamulka Jubbaland Oo Heshiis La Galay Shirkad Maalgashi Ku Sameyneysa Jubbaland


Madaxweynaha dowlad Goboleedka Jubbaland Axmed Maxamed Islaam Axmed Madoobe, ayaa shir gudoomiyey kulanka golaha Wasiiradda Jubbaland oo maanta lagaga hadlay  qodobo kale duwan, kaasi oo ka qabsoomay Magaalada Kismaayo.

Kulanka waxaa ugu horeyntii Madaxweynaha Golaha oga warbixiyey xaaladda guud ee dalka iyo arimaha doorashooyinka oo xiligan lagu guda jiro sidii lo dhameeystiri lahaa  xubnaha kamid noqonaya kuraasta Aqalka Hoose ee Barlamaaka Soomaaliya.

Wasaaradda Caafimadka ee Jubbaland ayaa kawar bixisay xaalada caafimadka ee deeeganada Jubaland, waxa ay golaha usoo gudbisay in wali ay taagantahay xaalada Covid-19, isla markana ay wadaan wacyi galinta bulshada iyo dadaalada ay xanuunkan ku xakamaynayaan.

Wasaarada Amniga Jubaland ayaa golaha warbixino la xiriira amaanka deegaanada Jubaland u soo gudbisay. waxaana ay sheegtay in feejignaan dheeri ah ay ku jiraan laamaha amniga maadaama uu dalku kujiro doorasho, lagana hortegayo wax kasta oo keeni kara amni darro.

Dhinaca kale Golaha Wasiiradda ayaa ansixiyey heshiis ay wada galeen Wasaaradda Dekadaha iyo Gadiidka Badda Jubaland iyo shirkad ganacsato ree Jubaland ah taasoo maalgashi ku sameeyn doonta keydka shidaalka ee ku dhaxyaala Dekada Kismaayo si loo hormariyo ilaha dhaqaale ee ay ku tiirsantahay Jubaland.

Dhanka kale Wasaaradda Xanaanada  Xoolaha Jubaland ayaa ay sheegtay in deegaanada Jubaland ay wali ka jiraan abaaraha ku dhuftay guud ahaan dalka, gurmadyo kale duwana ay wali ka wado deeganada ay abaaruhu ka jiraan.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso Adigoo Mahadsan

Your email address will not be published.


*